Tom Brady nena an inṭhen hnuah Gisele Bunchen an ramah haw

Dan ang taka 'single'-a puan a nih hnuah kum 42 mi, Brazilian supermodel Gisele Bunchen chu jewelry brand Vivara din champha vawi 60-na hun hmanpui turin an ram Brazil-ah a haw. Gisele chuan a fate pahnih Benjamin leh Vivian-te nen Sao Paulo hi an thleng a ni.

Gisele leh a fate hian hunpui hmang tura South America ram an pan mek laiin, NFL star Tom Brady erawh Tampa Bay Buccaneers tan inkhelin a hun tam zawk a hmang mek a, hunpui chhoah match pawimawh an neih dawn avangin a fate hi a telpui a rinawm loh.

Tom leh Gisele-te hi kum 13 chhung an inneih hnuah kumin October thla khan dan ang takin an inṭhen fel a ni. Hringnun kawng zawh hrang turin inṭhen mah se, an fate chungah joint custody neih an remti thung. He an inremnaah Tom leh Gisele-te chu an fate enkawl theihna inang an nei ve ve dawn tih report chuan a tarlang.