Taylor Swift-in a piancham pualin fans hnenah lawmthu a sawi

Taylor Swift chuan kum 33 a tlin champhaphak pualin social media kaltlangin fans hnena lawmthu sawina post a siam a, Grammy Award winner hian a tana ni bikah a hmangaih leh nuam a tih ber rimawi lam buaipuiin, a studio album 10-naa a thawhpui Jack Antonoff nen an hun hmanlai chu a rawn pholang

a ni.

"Vawiina duhsakna min hlantute chungah lawmthu ka sawi e!!" tiin, "Ka kum 33 tlin lawmna chu studio-ah bawk ka hmang leh a, ka tan hei baka hman dan ṭha a awm chuang lo. Ka hmangaih che u," tiin December 13-a a piancham lawmpuitute chungah lawmthu

a sawi.

Taylor hian a feature film hmasa ber direct-in hun tam zawk a hmang mek a, a script ziah hi Searchlight Pictures chuan a produce-sak dawn a ni.

Film ruangam leh a changtu turte hi puanzar an la ni lo. Searchlight president David Greenbaum leh Matthew Greenfield-te chuan, "Artist leh thawnthu hrilthiam piang zen zen lo," tiin Taylor Swift chu an sawi a, a ni anga zaithiam, thiamna bik nei an thawhpui thei chu vannei an inti hle.