Samsung 3:16 Plan Solution Rimawi Top Chart TBC-a leh Yongfella, Smiley, Travis-te an chungnung

November thla Samsung 3:16 Plan Solution Rimawi Top Chart Gospel-ah TBC Zaithanpuia hla thar ber, "Hmangaihtu Hmangaihna" chu pakhatna niin, Lengzem Chart thar berah Youngfella, Smiley ft Travis, "Kha ni kha" chu pakhatnaah a rawn inhlangkai bawk a ni.

Rimawi Top Chart Gospel

Gospel Chart thar berah Mizorama kan gospel artist ṭha ber zinga mi, TBC Zaithanpuia'n ama hla phuah ngei "Hmangaihtu hmangaihna" chu chart chung berah a rawn inhlankai pui. He hla hi a hringnuna a thil tawn hrang hrang aṭanga a ziahchhuah niin, rimawi hmangin mawi takin a rawn sa chhuak a, ngaihthlak a manhla lehpek hle. Pahnihnaah hian zaithiam aw mawi tak, Lalrinhlui Tlumang, "Lal rawngbawltu ka ni" chu rawn langin, tunlai gospel artist huhang ngah ber pawl Zorema Khiangte hla "An hrilhfiah" chu top 3-ah a rawn invawrh chho bawk.

Rimawi Top Chart Lengzem

Lengzem Chart lamah Youngfella, Smiley, leh Travis te'n mawi taka an sak, Black Rose film ost "Kha ni kha" chu pakhatna a ni. October thla tawp lama tihchhuah chauh kha ni mah se, Youngfella kutchhuak hi a chhiat ngai miau loh avangin YouTube-ah thlirtu mi maktaduai chuang an awm leh der tawh a ni. Pahnihnaah hian tunlai hla hit, Rebecca Lallawmsangi ft Lil Kiki "Chhai ang" chu a rawn lang a, Lilac orginal song "Spread your love" chuan top 3 a rawn khar a ni.