Superman-ah Henry Cavill kan hmu chhunzawm dawn lo!

Henry Cavill chuan official takin Superman lem a chan chhunzawm tawh loh tur thu a sawi. Thla eng emaw ti chhung thawm mak tak tak a awm hnuah 'Man of Steel' thar kan hmu dawn ta a ni. October thla khan Henry Cavill hi Superman role chang chhunzawm leh tura biakfel ni mah se, DC/WB film-ah a hmel kan hmu chhunzawm tawh loh tur thu a rawn nemnghet a ni.

Kum 39 mi chuan, "James Gunn leh Peter Safran inbiakna ka neihpui zo chiah a, thu lawmawm loh lam a ni. Studio lamin October thlaa Superman role chang leh tura min hrilh hnuah, Superman ang hian ka lo kir thei ta lo. Chanchin hriat nuam a ni lo, mahse hei hi hringnun chu a ni," tiin Cavill chuan a social media account kaltlangin a tarlang.

"Superman cape ka hak hun chu a liam ta, mahse Superman nihna erawh kumkhuain a awm reng tawh ang," tiin Superman role a chang thei chu inchhuanna tham a nih thu a tarlang.