The Voice season 22 winner Bryce Leatherwood

Zai intihsiakna ngaihhlut leh enhlawh ber zinga mi, The Voice season 22-a pakhatna atan Team Blake member Bryce Leatherwood chu thlan a ni. The Voice judge-a ṭhu tur hian khawvel huapa zaithiam rual thlankhawm an ni ṭhin. Kuminah John Legend, Blake Shelton, Camila Cabello leh Gwen Stefani-te chu zai endik piah lamah contestant-te kaihruai tuah an ṭang a ni.

Bryce hian Blind Audition-ah Blake Shelton-a hla “Goodbye Time” chu a rawn sa. Pakhatna a nih theihna kawnga puitu, Blake Shelton-a thiam tihzawng tak a lo ni bawk nen a team-ah hian a sawm lut zui ta a ni. Shelton chuan, kum 22 mi lek ni chunga tawnhriat heti zat a nei thei chu mak a tih thu sawiin, kum 40 mi ang maiin experience i ngah tawh a ni, tiin Bryce chu a fak hle. Coach zinga mi, John Legend chuan, "Engkim hi a dik thlap a, inrintawkna i ngah bakah hahdam takin i zai thei zel hi i fakawm," a ti.

Bryce Leatherwood hian final-ah bodie (Team Blake), Morgan Myles (Team Camila), Omar Jose Cardona (Team Legend) leh Brayden Lape (Team Blake)-te nen inelna an hmachhawn a, a tawpah a dingchang ta a ni.