The Lottery movie Zaninah tlangzarh a ni dawn ta

Mizo model chhelo, Nunui Rualhleng leh social media star, Miss Bunny (Ahmangaihi)-te Mizo full feature film hmasa ber tur, 'The Lottery' chu zanin dar 7:30 hian Vanapa Hall-ah Premiere a ni dawn ta. Runmawi App-ah December 23 aṭangin en theih a ni ang.

Social Media lama kan lo hmelhriat, Moimoii Renthlei (its.chun.li) chu a changtunu a ni dawn a, Ṭhamawii, Jeremy Ralte, Adama, Maruata Rawite-te an inlan bawk ang. He movie hian OST pahnih neiin, Benjamin Sum sak 'I tan' leh, Murphy X Jelo-te hla 'Westside'-te an ni.

L.V. Malsawmtluanga'n Script hi ziakin, Director hi Jeremy Lalngilneia a ni a, Director of Photography hi Samuel Lalrinnunga a ni thung. Sony Cinema Camera (FX6) hmanga Mizo film shoot hmasak ber a ni bawk.

Chhundeng Venture Firstcry, Ngaizel produced a ni a, co-producer-te chu Vakiria, Planet Fashion, Buanga Chhangte leh Tirhkoh Dawla-te an ni.

He movie-ah hian Zoi (Moimoii) hian pawisa tam tak lottery kaltlangin a man a, chu chuan lawmna nge a thlen buaina?.. engpawhnise a nun hluiah a kir leh thei tawh lo. Engtin nge a nun a hman chhoh zel i hre duh a nih chuan zaninah Vanapa Hall-a kal a fuh ang.