XXXtentacion thihna thubuai kal zelah Drake, Tekashi 6ix9ine leh rapper dangte inhnamhnawihna neiah puh

June 18, 2018-a thi ta, XXXtentacion-a defense attorney-te chuan rapper thihnaa inhnamhnawih nia an rinhlelh an chhawpchhuak a, chu'ng zingah chuan rapper langsar tak tak hming a lang. Drake, Quavo, Offset, Migos rapper thi ta Takeoff, Tekashi 6ix9ine leh Joe Budden-te hming chu pawikhawihnaa thuhretu atan an hming hi thehluh a ni, tiin court document chuan a tarlang.

Kum 2017 khan XXXtentacion leh Drake inkarah hian inhmuhthiam lohna a rawn chhuak a, thu leh hla hmangin an lo inchhang sak sak tawh a nih kha. XXX chuan a Instagram page-ah, "Thah min tumtu an awm a nih chuan @champagnepapi (Drake a sawina) hi a ni ang," a ti a, a hnuah XXX chuan a account an hacked-sak thu a sawi leh a, thla li a liam leh chuan Deerfield Beach-ah kahhlum a ni.

XXXtentacion hi June 18, 2018 khan kum 20 mi lek niin kahhlum a ni. Rapper fam ta hi ralthuam keng mi pahnih chuan beiin, a thil neih an ruksak hnuah a taksa hmun eng emaw zatah kah a ni. Broward Health North Hospital panpui a nih hnuah a thih thu puan a ni.