Korean singer Jonghyun a thi

South Korean boy band lar tak SHINee member Jonghyun (27) chu an ram sana-a nimin zing dar 6.00 khan a thi.

Jonghyun hi Gang­nam, Seoul-ah nikhawhre loa a awm hmuh a nih hnuah a boral zui tih, Yonhap News chuan a tarlang. Jonghyun hi a unaunu chuan nikhawhre loa a awm hi a hmu a, damdawiin panpui nghal ni mahse an chhan hman ta lo a ni. A thih chhan hi official-a puan ni lo mahse, a inah hian frying pan leh brown liquid an hmuh a nih vangin police-te chuan mahni intihlum a nih an rin thu an sawi.

Jonghyun-a telna SHINee band-ah hian member panga awmin May, 2008 khan an EP hmasa ber an tichhuak a ni. Jonghyun hi singer a nih mai bakah songwriter leh radio host a ni bawk.