Nupui neih hmaa meizuk bansan tum Prince Harry!

British lal tupa Prince Harry chuan nakkum May 19 khian nupui a nei dawn a, hemi hma ngei hian mezial zuk bansan a tum thu a sawi.

Prince Harry hian a zu khu ve luih luih reng a ni awm a, mahse tunah chuan nghei tuim a bei mek a ni. A thil tum vang hian a nupui hual Meghan Markle pawh a lawm hle niin an sawi. American actress Markle chuan, "Cigarette zuk hi hriselna atan a ṭha lo em em a, a zu ve lo tan a rimchhe hle bawk. Harry-a'n nghei tuma a bei mek hi ka lawm hle a, theihtawpa puih ka inhuam a ni. A harsa hle ang tih ka rinpui a, mahse a hlen chhuah ngei ka beisei" a ti.

Prince Harry leh Meghan Markle te hian November thla khan an inhual thu an puang a, nakkum May thla khian an innei dawn a ni.