Kumin chhunga lyrics en hlawh ber 'Despacito'

LyricFind chuan kum­in chhunga hla lyric tichhuah zinga entu ngah a thlang chhuak leh ta a, 'Despacito' chu entu ngah ber a ni.

Luis Fonsi, Daddy Yankee leh Justin Bieber-te'n an sak 'Despacito' lyrics hi January thla khan tihchhuah niin, multiple lyrics platform kaltlanga entu ngah ber a ni. United States, India leh Germany te chu a ram anga entu tamna an ni. Ed Sheeran hla 'Shape of You' chu entu ngah lamah hian pahnih a ni a, 'Feel It Still' chu pathumna a ni.

'Despacito' hi kumina tihchhuah zinga hla hit ber tih ngam a ni a, a lar piah lamah lawmman a hui hnem hle bawk. A Award dawn tawh leh a dawn theih turin category 14 zetah chawpchhuah a ni. Grammy Award-ah pawh nomination a hmu nual a, award ngaihlut hlawh 'Song of the Year' leh 'Record of the Year' dawng thei turin a dinhmun a ṭha viau bawk. Tun ṭuma LyricFind-in lyric entu ngah bera a thlang pawh hi a mak lo a, a awm hliah hliah zawk a ni. LyricFind hnuaih hian music publisher 4,000 vel an awm a, a rintlak hle turah ngaih a ni bawk.