Glorify22 hun a thleng ta ; AR Lammualah inhmu ang aw...

Central KṬP buatsaih, Pathian fak leh chawimawina Glorify 22 chu zanin dar 7 aṭangin AR Lammualah neih a ni dawn ta. He hunah hian kan gospel top artist-te leh musician ṭha ber berte an inlan ang. Hripui leng avangin kum hnih zet chet theih a ni tawh lo a, khawvel thawm na tak karah Pathian fak leh chawimawina programme Central KṬP in a rawn chhawpchhuak leh a, ṭhalai a tam thei ang ber kal turin CKṬP chuan a sawm a ni. Hla zir inbuatsaihna hi branch hrang hrangah zan 17 lai kalpui a ni a, zaithiamte leh rimawi tumtute pawh 'retreat' hunte hmangin he programme a hlawhtlin theih nan hian theihtawp an chhuah a, he hunah hian a tam thei ang ber kan punkhawm a pawimawh. Hmun hla lama awm, kal remchang ve thei loten awlsam taka an lo thlir ve theihna turin Central KṬP YouTube Channel-ah live-a pek chhuah a ni bawk dawn a ni.