PYD-ten lehkhabu tlangzarh

Mizoram UPC kohhran ṭhalai pawl, General Pentecostal Youth Department buatsaih, mi hrang hrang thuziak lawrkhawm awmna 'Rotling' tih chu nizan khan Rev. Thangliansanga, General Superintendent, Mizoram UPC chuan a tlangzarh.

Bethlehem Vengthlang Biak ina lehkhabu tlangzarh inkhawmah hian Rev. Thangliansanga chuan PYD-ten lehkhabu ṭha tak an ti chhuak chu lawmawm a tih thu sawiin, kohhran mipuite kaihruaitu ṭha tak a nih a beisei thu a sawi a ni.

Rotling lehkhabuah hian thupui 11 thlanchhuah hmangin thuziak mi 11 ten article an ziak a, a bik takin ṭhalaite tana hlawkpui tur thuziak an ni hlawm.

Rotling Thupui Ziaktu
Kohhrana ṭhalaite Pawimawhna - Rev. Dr. Ngurthanpara Sailo
Kohhran hmasawn nan Literature - Rev. Vanlalsipaia
Mizoram UPC leh ramthim rawngbawlna - Rev. P. Lalrinawma
Pentecost mite leh nupui pasal - Rev. C. Lalremsanga
Hlemhletna - Kohhranin Engtin nge a do ang? - Rev. C. Lalawmpuia
PYD-te leh khawtlang nun - Rev. T. Laldingliana
Chhungkuaa ṭhalaite leh Mawhphurhna - Upa F.Vanlalchama
Kohhran leh Politics: Mizoram UPC kohhran aṭanga thlirna
- T.Upa Dr. Zonunmawia
Eizawnna leh hlawhtling tura kawng pawimawhte - T.Upa Dr. Daniel Lalawmpui
Ṭhalaite leh media khawvel - John Zothansanga
Ṭhalaite leh rilru hrisel - Lalzathanga