Tunge DJ Zaeden?

Indian DJ zingah chuan Zaeden hi a ṭha ber pawl niin, ahming pawh a lar viau. Hetih rual hian Mizoten DJ-te kan hmelhriat dan a la ral khat deuh avangin a tam zawk chuan DJ Zaeden pawh hi kan hmelhriat a rinawm loh.

Haryana tlangval hi a hming tak chu Sahil Sharma a ni a, Zaeden hi chu a stage name a ni. Kum 1995 July 2 khan Gurgaon, Haryana-ah a piang a, music lamah a tui hle. School a kal lai aṭangin tabla leh piano te a play ṭhin a, kum 14 mi lek a nih laiin an school-ah chuan DJ tia sawi a lo ni daih tawh. Zirna lamah pawh a duai lo hle a, Amity University, Noida aṭangin Mass Communication a zir chhuak a, Mumbai

aṭangin sound engineering a zir chhuak bawk.

Zaeden hian dance music a ngaina hle a, a play tam ber pawh a ni. Kum 2014 khan a ma pualin 'Land of Lords' a tichhuak a, hemi kum vek hian Dutch DJ Hardwell radio show 'Hardwell On Air'-ah inlanin, he show-a inlan thei naupang ber a ni. Official remix eng emaw zat a nei a chung zingah chuan Coldplay hla 'Magic' tih te, Maroon 5 hla 'Animals and Don't Wanna Know' leh Justin Bieber hla 'Love Yourself' te chu a lar zual an ni.

Zaeden-a ropuina chu Spinnin' Records-a contract a nei hi a nihna hi a ni. DJ David Guetta-a'n Mumbai concert-a neih ṭum khan a lo inlan tawh bawk a, Belgium-a Tomorrowland Festival-ah a lo inlan tawh bawk.

India chhulchhuak zinga DJ ṭha ber pawl Zaeden hian nakkum kumtir lam khian Aizawl­ah a lo tlawh dawn a, Lammualah a che vel hmuh tur a awm dawn. January 2-a Lammual-a 'Shockwave' ah a perform dawn a, music lama tui mitan chuan ticket ngaih­ven a hun ṭan tawh a ni.