Rimawi Award sem a ni ta

Mizo Zaimi Inzawmkhawm (MZI) General Headquarters leh LPS Vision Production ṭangkawp chuan December 21 leh 22 zan khan LPS Auditorium-ah Mizo Rimawi Award an sem a, mi 19 hnenah award hi hlan a ni.

A zan khatnaah hian Gospel singer te hnenah award hi hlan a ni a, nizan khan Lengzem satute hnenah sem chhuah leh a ni.

Gospel bikah hian Vanlalsailova chu 'Best Male Artist' atan thlan a ni a, Lalduhsaki chu 'Best Female Artist' atan thlan a ni bawk. Sailova hi a zai tam tawh lo a, Pathian thu sawiin a feh chhuak deuh ber a, 'ber' nihna a la hauh tho a ni.

Songwriter/composer of the Year award chu Lalnunpuia Hrahsel hnenah hlan a ni. Nagaland-a Hornbill Festival neih zawh taka pahnihna zu ni thei The Prophets chu 'Band of the year' atan thlan an ni.

Musician ṭha rual zingah Zothanpuia(ZTP-a) chu 'Musician of the Year' atan thlan a ni. R.K. Lalduhkima chu 'Best New Artist atan thlan niin, Melody Lalzirliani chuan 'Best Music Video' award a dawng. Mizo Cardinal Choir chu 'Choir of The Year' atan thlan an ni a, Ramhluna Hnamte hnenah 'Lifetime Achievement Award' hlan a ni bawk.

Category 19 zinga category 15-te hi mipui thlan an ni a, category pali bik hi Technical Committee ten an thlan a ni thung.