Facebook Live Video Chart-ah Guns N' Roses-in entu an ngah ber

Billboard Top Facebook Live Video Chart-ah Guns N' Roses chuan pakhatna an hauh a, November thla chhunga entu ngah ber an ni.

Chart hi Facebook Live-a thla khat chhunga viewer, reaction, comment leh share an ngah dan aṭanga teh a ni. Guns N’ Roses hla sak 'Paradise City' chu November thla chhunga entu ngah ber a ni. He hlaah hi American rock band Foo Fighters member Dave Grohl nena an perform ho a ni. November 15 khan a clip hi pho chhuah a ni a, mi maktaduai 2.1 in an en a, share pawh 25,000 zet a awm bawk.

Viewer ngah lamah hian English rock band Muse chu pahnihna an ni a, Bon Jovi chu pathumna a ni. John Legend leh Bob Marley te chu top 5-ah hian an lang bawk a, Avril Lavigne, Coldplay leh Blake Shelton te chu viewer ngah zingah an hming a lang bawk.