Bieber-an H&M merchandise Lei lo turin a fans a ngen!

Justin Bieber chu a phalna la hmasa lo in clothing company H&M-in an "trash" collection zingah a hming leh thlalak lanna merch an phochhuah avangin a lawm lo hle.

Kum 28 mi, Bieber chuan a IG story kaltlangin H&M chetdan chu demin, "H&M-in merch collection an tihchhuahah khan hriatpuina leh remtihna ka nei hauh lo," tiin, "Nangni chu ni i la ke lei lo tawp ang. H&M merch an siam hi 'trash' mai ani a, ka remtihna pawh lak a ni lo," tiin a lungawi lo hi a inhrosa nasa hle.

Hetihlai hian, H&M website-ah a collection zinga pakhat chiah, JB-a thlalak chuanna USD 15 man canvas tote bag chauh chu lei theihin awm mah se, a fans-te chuan social media lamah "World Tour" tih inziahna sweatshirt leh "Ghost"-a a hlathu ṭhenkhat chuanna phone case-te an pholang a ni.

Instagram account-a follower mtd 270 chuang zet neitu Justin-a fans te chuan an zaithiam ngaihsan thlavang hauh an rawn pe na hle. H&M demna thu hrang hrang an chhakchhuak nasa hle a, Justin-a phalna la hmasa loa a larna hman ṭangkai tumahte an puh.

JB hian H&M lakah nimin thleng kha chuan thubuai a la thehlut lo a, a hun hmasaah erawh a larna hmang ṭangkaia hlawkna teltute lakah a kimki ngai lo thung a, engtin nge hma a lak zel dawn tih chu mipui ngaihven a ni chho leh dawn a ni.