Amber Heard leh Johnny Depp te'n defamation case an chingfel thei ta

Amber Heard chuan a pasal hlui Johnny Depp-an kum 2018-ah Washington Post op-ed kaltlangin a tihmingchhiaa a puhnaa hremna pek chungchangah inremna an siam thei ta.

Kum 36 mi, Heard hi, kum 56 mi, Depp hnenah zangnadawmna USD mtd 10 chawi turin hremna pek a ni. Hemirual hian Depp-a lawyer Adam Waldman-a'n Heard puhna chu mi tihderna tiha a puh avangin Depp hi USD mtd 2 chawi turin hrem a ni ve bawk.

Heard chuan inremna pawm chu thutlukna harsa tak a nih thu sawiin, an inrem dan erawh puanzar a ni lo thung.

"Hei hi ka duhthlan a ni lo tih kan hriat tel a pawimawhi. Thudik nia ka hriatte ka dinpui a, chumi ka tihna lamah ka nun a chhiat phah ta a ni. Social media kaltlanga mi an diriamna angte kha hmeichhiate an rawn penchhuah dawn apianga kan kimkitna chhan rawn tilangtu a ni," tiin kum ruk chhung zet thubuai kaihhnawiha talchhuah a lo tum tawhnaah inremna an siam thei chu a bawhpelh thei a nih tawh loh thu a sawi.

Depp hian ṭantu a ngah zawk a, a bikin social media lamah a thlavang hauhtu an tam a, Heard erawhin elhsen leh sawichhiat a tawh phah nasa hle. Hei hi hriain Heard pawhin nun chep taka hun hman reng ai chuan inremna neih chu finthlak zawka a hriat thu a sawi.

Depp leh Heard-te hi kum 2015 khan inneiin, kum 2017 khan an inṭhen a ni.