Kum 21 hnuah India-in Mrs World kan nei leh ta!

Mumbai-a khawsa, Sargam Koushal chuan kum 21 hnua a vawi khatna atan Mrs World title chu India ramah a rawn hawn leh ta. Ram 63 aiawh beauty pageant buatsaihah India aiawh chu tehna hrangah hrangah khum thei an awm lo a, Mrs World title chu India mi hnenah hian hlan a ni leh ta a ni.

Mrs India pageant chuan result hi an official Instagram page-ah Pathianni khan puangin, "Hun rei tak ata kan nghah chu a tawp ta, kum 21 hnuah CROWN chu a lo kir e," tiin, Kum 32 mi, Koushal chuan, "Kum 21-22 hnuah crown chu kan lakir leh ta. Ka phur tawh hle. Ka hmangaih India, ka hmangaih khawvel," tiin social media kaltlangin lawmthu sawina a post. Kum 2001-a India tana crown lo hawn tawhtu, Mrs World Dr Aditi Govitrikar pawhin Mrs World thar lawmpuina a rawn hlan nghal

Westgate Las Vegas Resort and Casino-ah Inrinni tlai khan ceremony hi neih a ni a, Mrs Polynesia chu first runner-up niin, Mrs Canada chu second runner-up a ni.