IG post 'like' tu ngah ber Lionel Messi

World Cup champion hlim, Lionel Messi chuan WC trophy nen Instagram kaltlanga a thlalak tarlan chu 'like' tu ngah ber a ni ta a, a hmaa record lo chelhtu world_record_egg chu a khum a ni.

Kum 2019, January khan Chris Godfrey chuan social media experiment kalpuiin, "Artui hian mipa leh hmeichhia a thliar lo a, hnam bil emaw sakhua a thlur bing lo. Khawvel pum huap a ni," tiin artui a post chhan a sawi. He account hian a hmaa like mtd 18 chuang neitu Kylie Jenner record siam chu kar lovah a khum nghal a, nimin thleng khan like mtd 56 chuang a nei. Mahse Messi-a'n kum 1986 hnuah a ram Argentina a champion pui hnua WC trophy a chawi lai chuan mite lawm a hlawh chho hle a, artui record hi rawn khumin nimin tlai thleng khan like mtd 57 chuang nei tawhin, IG-a post like tu ngah ber record a siam.