BTS Busan Concert film ‘BTS Yet To Come In Cinemas’ - Kumtharah

BTS-in chuan February 1, 2023 aṭangin Busan-a Concert film, ‘BTS Yet To Come In Cinemas’ chu an tlangzarh dawn ta.

K-pop superstar-te hian kumin October thlaah Busan, South Korea-ah hlawhtling takin mipui 50,000 chuang hmaah an lo perform tawh a, hei hi an khawpuiin World Expo 2030 puala an sum tuakna a ni. He hmuna leng lo leh kal thei ta lote'n film hmanga hmuhnawn taka an en theih tura siam danglam niin, film puitling pangngai angin an tichhuak leh dawn a ni.

Film buaipuitute zinga mi, Marc Allenby chuan, "BTS leh an fans-te inzawmna hi a ṭha takzet a, cinema lama chhuah atan pawh inhmeh tur tak pawh a ni. Kan phur tawh a, khawvel hmun hrang hranga an fans-te chuan lo en ngei se tih hi kan duhthusam a ni," a ti.

BTS hian a hmain film pali an lo tichhuak tawh a, 'BTS Yet To Come In Cinemas' hi an film pangana a ni ang.

Kumin kumtawp lam aṭang khan an solo career lam ṭheuh buaipuiin an kawng hran an zawh ṭan a, member ṭhenkhat chu mandatory military service nei tura an kal tak avangin, kum eng emaw ti chhung chu pawl anga an inlan hona hnuhnung ber a ni rih ang.

BTS member zinga upa ber, Jin chuan thlatir khan sipai training a zawm a, member zawng zawngin service an zawh hun, kum 2025-ah pawl angin an inlan ho leh thei chauh tawh dawn a ni.