'Thûl' tlangzarh a ni ta

UPCI - AED Headquarters Kohhran ṭhalai pawl, Pentecostal Youth Department (PYD) buatsaih, 'Thûl' tih lehkhabu chu December 20, Thawhlehni zan khan Aizawl North-II bialtu MLA Dr Vanlalthlana'n a tlangzarh.

Dr Vanlalthlana chuan, lehkhabu puitling buatsaih chu thil awlsam a nih loh thu a sawi a, "A ziaktu kan ni lo a nih pawhin he lehkhabu hi keinin kan hlut chuan midangin min hlutpui dawn," a ti a; khawvelah lehkhabu aṭanga danglamna thleng tam tak a awm tawh thu a sawi. Dr Mathlana chuan, "Mizote kan danglam dawn chuan lehkhabu chhiar tam aṭangin kan ṭan angai a ni," a ti a, ṭhalaite chuan lehkhabu ṭha an chhiar tam a pawimawh thu a sawi bawk.

Thûl lehkhabu review-tu Dr. H Laldinmawia chuan a bu hming leh nihna chu inhmeh a tih thu a sawi a - a bu hming leh a chhungthu chu thil in zûl tak, ngaihnawm tur ringawt ni loin thil ṭangkai tak tur a nih thu te; thuziak 16 dahkhawm, hawilam inang lo tak tak a nih avangin lehkhabu hlu tak, ngaihdan inang lo tak takte tan chhiar man hla a nih a beisei thute a sawi.

Thûl lehkhabuah hian mi 16-in thupui hrang hrang pakhat ṭheuh hmangin thu an ziak a; RL Nutei Book Store leh Lianchhungi Book Store-ah lei theiha chhawpchhuah a ni.