Zaithiamte'n Vanglaini chhiartute Hunpui hlim leh lawm taka hmang turin duhsakna an hlan

Zoram mipui zawng zawngte, kan hma lawka kan nghahhlelh em em Lal pianni lo thleng turah hian hlim leh him taka Lal piang chibai buk turin duhsakna ka hlan a che u.

Lal Isua hi khawvel lawm nan a lo kal a ni tih hre rengin, mahni lawmna chauh ngaihtuah mai loa kan tan a lo kal Lal Isua lawmna tur dah pawimawh hmasa ber chungin, hlim leh hahdam taka Lal piang chibai buk tur che uin duhsakna ka hlan nawn leh a che u.

KRISMAS LEH KUMTHAR CHIBAI VEK ULE - Sailova

Hello! In dam em? In zavaiin Krismas leh Kumthar chibai vek ule,

He ka thu ziah tawite chhiar thei tura vawiin thlenga damna petu che Lalpa hnenah lawmthu sawi la,

Kan nghah mek 2023 hi in tan malsawm kum ni rawh se - SaiWanah

Vanglaini chhiartu duhawm tak takte, in zavaiin chibai ka buk a che u. Hri puiin hun eng emaw chen min nuai hnuin kumin chu hlim leh zalen takin Krismas leh Kumthar kan lawm thei dawn ta! He hun hlu leh ropui hi Vanglaini chanchinbu chhiartu zawng zawngte'n hlim leh nuam taka hmang vek turin duhsakna ka hlan vek a che u. He hun ṭha dam taka kan thleng hi kan vannei bik hle. Pathian khawngaihna leh Hmangaihna vang chauha hmang thei kan ni tih hi theihnghilh loin, kan engkim hi Krista i hlan nawn leh ang u.

Krismas leh Kumthar ISUA tan - Sawmtea Chhangte

Mizo mipuite chibai vek ule, he column lo chhiartu zawng zawng te…Krismas leh Kumthar hlim leh nuam taka hmang turin chibai ka buk vek a che u. Kum 2023 lo inher leh turah pawh Pathian zarah malsawmna tam tak dawng leh turin leh, hriselna ṭha tak nei tura lo inenkawl ṭheuh turin duhsakna sang ber ka hlan a che u - Hmangaihi, Mizo Idol Season 7

Lal Isuan Van ropuina kalsana kan tana lei thim a rawn bel hi a hlutzia ngaihtuah chunga hlim leh lawm taka Krismas ṭha ber hmang turin duhsakna ka hlan a che u. Krismas chibai u le

- Zorema Khiangte

Krismas a hnai leh ta hle mai.

Mizo mipuite kum ṭha tak in hman ṭheuh ka beisei. Ka tan kum chhinchhiah tlak tak a ni a, malsawmna ka dawn tam tak avanga ka lawm em avang pawhin hlimawm taka Krismas leh Kumthar hmang ṭheuh turin Mizoram mipuite duhsakna ka hlan che u a, in za in malsawmna ka hlan a che u - Zaii Hauchhum

Chhungte leh ṭhiante kiangah Krismas hun hlimawm tak hmang turin ka duhsak che a. Kum lo thar tur pawh i tan kum ṭha, ‘hmasawn kum’ lo ni se. Damtein lo hmang ang che aw - Jaui