Khawvel lemchanthiam ṭha zual 50 thlanchhuahah Shah Rukh Khan hming a lang

British Magazine, Empire magazine -in khawvela lemchanthiam ṭha zual 50 a thlanchhuah zingah Bollywood superstar Shah Rukh Khan a tel a, India mi lang thei awmchhun a ni.

Kum 57 mi Shah Rukh Khan bakah hian, Hollywood lama mi hmingṭha chungchuang heng - Denzel Washington, Tom Hanks, Anthony Marlon Brando, Meryl Streep, Jack Nicholson te chu thlanchhuah zingah hian an tel.

Magazine tarlan danin, Shah Rukh Khan hian kum 40 chuang zet hlawhtling takin a eizawnna kawngah hna ṭha tak a lo thawk tawh a, fanbase mi tluklehdingawn chuang a nei tawh a ni, tiin SRK hnathawh chu ropui an tih thu an ziak.

"Mi hip theihna ropui tak nei leh mi themthiam fal tan lo chuan a thlen ang hi thlen theih a ni lo. Eng thawnthu pawh hnehsawh taka chang chhuak thei, tih theih loh mang pawh a nei lo," tiin list a Indian lang thei awmchhun hi an fak hle.

SRK hi January 25, 2023-a tlangzarh tur action thriller film, "Pathaan" promotion buaipuiin a hun a hmang mek. He film-ah hian movie star dang, John Abraham leh Deepika Padukone-te nen an chang ho a ni.

Hei bakah, SRK hi film thar pahnih, action-entertainer "Jawan" leh "Dunki"-ahte inlanin, nakkuma tlangzarh ve ve tur an ni.