China rama Western album hralh chhuak hnem ber Taylor Swift

Taylor Swift studio album 10-na 'Midnights' chuan record thar rawn siam belh zelin, kum 2022 chhunga China rama Western Album hralhchhuah hnem ber a ni.

Hei bakah, Taylor hi tun 'century'-a yearly sales sang ber dinhmun rawn hauhin, album copy maktaduai 22 chuang zet a hralh a, record thar a siam bawk.

Record chelh lai hi King of Pop tiha an sawi Michael Jackson kha niin, kum 2009 khan copy maktaduai 22 chuang hralhin hun rei tak he record hi khum thei an awm loh hnuah, kumin October thla chauha tlangzarh "Midnights" hian a rawn khum ta a ni. Kum tha hmangtu leh, khawvel huapa fanbase nei tha Taylor ropuina dal zo an awm meuh lo a ni.