Netflix-ah password inhman tawm a theih tawh dawn loh

Video streaming company Netflix chuan nakkum 2023 kumtir atangin account pakhat atanga password midangte nen inhmantawm chu an khap tawh dawn niin Wall Street Journal chuan a tarlang.

Netflix hian midang hnena password thawndarh thin tihtawp tumin hmalakna an kalpui tur thu hi kumtir khan an lo puang tawh a, hmalakna mumal tak a awm loh hnuah thuthar an rawn nei leh ta. Netflix CEO Reed Hastings chuan an sumdawnna kawngah, an pawisa lakluh nasa taka a tlakhniam phah avangin chak taka hma lak an tum thu leh, subscriber enge maw zat an hloh chhoh tak zel avangin khauh zawka hmalak tumin ruahmanna thar hi enchhin an tum thu a sawi.

Tunah hian, Netflix account pakhat neituin profile panga thleng an siam thei a.

Netflix-in he hmalakna hi an kalpui hunah chuan Account intawm a pawisa in chawisem ang chi kha a theih tawh dawn loh a ni.