Katy Perry album thar August-ah

Katy Perry chuan August 14-ah a album thar a tlangzarh dawn tih leh a album thar tur chu 'KP5' tih a nih dawn thu a sawi.

Amazon voice assistant Alexa kaltlangin a album thar tur chungchang hi a puangzar a, nau pai mek Katy Perry chuan a album thar tihchhuah hun tur hi a sawi chiang ta a ni.

Kumin chhung ngeiin album thar a tichhuak dawn tih a lo sawi tawh a, quarantine a ni emaw, a ni lo emaw, a tichhuak ngei dawn tih a lo sawi tawh a ni.

A album thara hla turte chu hla hlimawm lam leh beiseina lam hla a ni dawn tih sawiin, vawiina a hla tihchhuah thar tur  'Daisies' chungchang pawh sawi lang tawhin "Duhthu in sam ang zawng zawng chungchang a ni dawn a, i tihpuitlin duh ang zawng zawng chungchang pawh a ni ang," a ti. 

Kar hmasa lamah khan Instagram-ah vawiina a hla thar tihchhuah tur chungchang leh a hla hming Daisies tih a nih dawn thu a tarlang a ni.