Megan Thee Stallion beihna thubuaiah Tory Lanez thiam loh chantir

Tory Lanez leh Megan Thee Stallion te inkar buaina thleng ah Canadian rapper, Tory Lanez chu thiamloh chantir a ni.

Prosecutors te chuan kum 2020, July thla khan Tory Lanez, a hming tak Daystar Peterson hi Megan Thee Stallion, a hming tak Megan Pete nen Kylie Jenner chennaa Hollywood Hills party an chhuahsan hnua inhnial buaina an neih hnu lawkah silai in a ke ah a kap niin an sawi a, a laka thubuai 3 thehluhah thiamloh a chang vek.

Lanez hian kum 2020, November thla khan thiam lohna a neih loh thu a sawi a, mahse kum 22 leh thla riat chhung jail a tang dawn niin report chuan a tarlanga, Canada ah thawn let tura tih a ni bawk. January 27, 2023-ah a hremna hi chiang zawka hriat theih a ni ang.

Thu rel thluk a nih hnuah, Megan Thee Stallion lawyer chuan jury te'n thutlukna dik tak an siam thu a sawi a, Meg dikna hailan a ni chu a lawm thu a sawi bawk. He an buaina hi July 2020 a Hollywood Hills a pool party neih hnu lawk a thleng niin, hemi kum December 12 atanga thubuai hi ngaihtuah tan a ni.CBS News hnena a hrilh danin, Megan Thee Stallion hi silaia kah hliam a nih vangin, a ke a silai mu tang te la chhuak turin surgery te pawh a hmachhawn phah hial thu a sawichhuak a ni.