Khiangte Construction Thazual Krismas roreltu Lalthansangi

Khiangte Construction Thazual Krismas puala chart tihchhuahah tunlai Gospel artist huhang ngah ber pawl leh, Thazual Award 2022-a Best Mizo Traditional Artist dawngtu, Lalthansangi hla thar "Van hmun ropui pelin" chu chart chung berah awmin pakhatna a ni. He hla mawi tak phuahtu hi Denghlira niin, a hla mawina phawk chhuak belhchhah turin Lalthansangi chuan nung takin a rawn sachhuak a, chart chung bera awm hi a phu hle ti ila kan sawisual awm lo ve.

Pahnihna leh Pathumna

Krismas hla chuai thei tawh lo zinga mi, MDM Various Artist, Lunglei-in mawi taka an sak, "A lo her chhuak leh ta" chu pahnihnaah rawn langin, R. Lalrinmawii'n (Arini) Krismas puala a hla tihchhuah "Kan Nghahfak Krismas" chu top 3-ah a rawn inhlankaipui bawk a ni.

Chart-a hla lang dangte

Nghaktea Fanai hla thar "Van angelte zai vawrna" chu palina a ni a, panganaah Teveni hla "Krismas ni" chu a rawn lang ve bawk a ni. Kumin hian zaithiamte'n hunpui pualin hla thar nalh tak tak an rawn tichhuak a, chung zinga chart a lang zingah Isaac Hnamte, Sailo Lalsangzuali, Eddie Pachuau, Zonuna Pachuau & Rebecca Selate, Dr. Zoa leh K. Lalremruata te chu chart-ah hian an rawn chuangkai a ni.

Thazual Krismas Top 10

1. Lalthansangi - Van hmun ropui pelin

2. MDM Various Artist, Lunglei - A lo her chhuak leh ta

3. R Lalrinmawii - Kan Nghahfak Krismas

4. Nghaktea Fanai - Van angelte zai vawrna

5. Teveni - Krismas ni

6. Isaac Hnamte - Khawvel lawm nan

7. Sailo Lalsangzuali - Lal Davida khawpui

8. Eddie Pachuau, Zonuna Pachuau & Rebecca Selate - Christmas Chibai

9. Dr. Zoa - Hmangaihna mak

10. K. Lalremruata - I fak ang u