Avora Records-in hla thar tichhuak

Hornbill beat contest 2017 winner Avora Records chuan Nilaini khan hla thar 'Waltz Of The Foolish Youth' an tichhuak a, he hlaah hian Pangpari (Flowerpot) an thawhpui a ni.

Thla riat vel liam taa hla thar an tihchhuah hnua an single hmasa ber 'Waltz Of The Foolish Youth' a nalh dangdai lehpek hle a, music video pawh a hmuhnawm hle.

Vocalist Stephen Hnamte phuah niin a phuah­na a rei tawh a, band anga an active tak tak hmaa a phuah tawh niin, Kings and Prophets Studios-ah recording hi an ti a, music video hi an music video dang lo buaipuisak tawhtu Screen­farm Production bawkin an buaipui sak leh a ni.