Bob Marley tupa Jo Mersa a thi

Raggae artist ropui zinga mi, Bob Marley tupa reggae musician vek, Joseph 'Jo' Mersa Marley chu Thawhlehni khan kum 31 mi niin a thi. Report tarlan danin, a car ah nikhawhreloa hmuh a ni a, a thihchhan chiang tak hi puan la awm lo mah se, South Florida radio station WZPP chuan asthma vanga thi a nih thu an sawi.

Jo Mersa hi Stephen Marley fapa a ni a, Miami Dade College-ah audio engineering a zir. A hma chuan Jamaica-ah a cheng thin. Kum 2014 khan a EP "Comfortable" chu a tlangzarh bawk. Joseph 'Jo' Mersa Marley hian a nupui leh a fanu te a kalsan a ni.