Kiara Advani leh Sidharth Malhotra innei dawn : Report

Kiara Advani leh Shershaah film-a a chanpui, Sidharth Malhotra-te chu February 6-ah an innei dawn tih thuthang lian tak a awm mek.

Bollywood star pahnihte hi Jaisalmer, Rajasthan-ah wedding ceremony hi neih an tum niin antarlang.

Milar pahnihte hi venhimna khauh tak hnuaiah Palace Hotel-ah ropui taka inneih an tum thu ETimes chuan a sawi.

Sheershah film-ah inkawprem taka an chandun avanga mite lawm hlawh lemchanthiam pahnih Kiara leh Sidharth-te hi kum 2020 atang khan an inzui tan tawh a.

Kiara Advani leh Sidharth Malhotra-te hi Captain Vikram Batra chanchin behchhan film "Sheershah" an chan atangin sawi zawm an ni tan a, an inkar hi an mahni lamin official takin puangzar lo mah se, an inngaizawng tih erawh phat rual a ni lo thung.

Karan Johar-a show,Koffee With Karan-ah Kiara leh Malhotra-te hi a hranpa ve vea an kawmnaah an pahnih inkar chu thianthatna piahlam thil a nih thu leh, hmabak eng tak an thlir tlat thuin an chhang a ni.