Modest Mouse drummer Jeremiah Green a thi

US rock band tha, Modest Mouse dintute zinga mi Jeremiah Green chu kum 45 mi niin cancer vangin Pathianni khan a thi.

Kar liam ta khan, an band member Isaac Brock chuan Green hi cancer natna nei a ni tih puangin, a dinhmun chiang tak erawh a tarlang lo a, a cancer hi a tai darh nasat tawh avang leh, stage 4 lai a lo thlen tawh avangin tour atang pawhin a inhnuhdawh thu sawiin, chemotherapy a lak mek thu a puan atanga hun rei lote hnuah a thih thuin min thawng leh ta a ni.

Green bakah hian an lead guitarist Isaac leh, bassist Eric Judy-te nen Modest Mouse band hi an din. Kum 1996 khan an debut album "This is a long drive for Someone with nothing to Think About" an tichhuak a, hemi hnu lamah pawh hla hit tak tak tichhuakin khawvel rock band tha zingah chhiar tel theih khawpin an vanglai chuan boruak an nei lian hman a ni.