Kelly Clarkson hnungzuitu nih ka duh : Meghan Trainor

'All About That Bass' hitmaker Meghan Trainor chuan "TV Star" nih a tum thu a sawi. Kum 29 mi chuan Kelly Clarkson hnungzuiin music industry aṭangin TV business lamah hlawhtling taka insuan luh a duh thu a sawi a ni.

"TV star nih ka duh takzet. Kelly Clarkson ang hi nih ka chak hle a, mahni puala TV show neih te ka tum a ni. Film lamah te inlanin, artist dangte tan hla ziahsak ka duh a, naute pali neih ka tum bawk. Ka hmaah thil ṭhahnem tak hlen tur a awm," tiin a duhthusam ṭhinte a sawichhuak.

Meghan hian nikum khan album thar "Takin' It Back" chu a tichhuak a, "Lemchan lamah hun tam zawk hman ka duh. Sitcom-ah guest star slot kan shoot zo chiah a, a bak pawh chhunzawm zel kan la tum," tiin ennawm khawvelah sulhnu hnutchhiah belh zel a tum thu a sawi