JISOO-in kuminah a solo album hmasa ber a tichhuak dawn!

Blackpink member Jisoo chuan a debut solo album hmasa ber chu kuminah a tichhuak dawn tih a puang. K-Pop star chuan, "Kum 2023 hian Jisoo solo album chu khawngaihin in lo nghak dawn nia," a ti.

YG Entertainment chuan Jisoo thuchhuah chu rawn nemnghet ve lehin, "BLACKPINK Jisoo chuan a solo album buaipuiin ngawrh takin hun a hmang. Nikum aṭang khan khawvel hmun hrangah hrangah tour neiin a zinkual nasa hle a, a hunawl neih ang chhun chhunah a fans-te hnena a lo intiam tawh angin rimawi lamah a insawrbing a ni. Tun aṭanga hun rei loteah thuthar lawmawm tak min hlui ngei ang," tiin thuchhuah an rawn siam a ni.

Blackpink hian nikum khan an studio album pahnihna "Born Pink" chu tichhuakin, August thla aṭang khan tour neiin hmun hrang hrangah an zinkual a ni.

Kumin January 7 leh 8 aṭangin Asia tour an ṭan leh dawn a, khawpui 11-ah concert vawi 18 an neih chhunzawm dawn a ni.