TWICE English single thar ‘Moonlight Sunrise’ a hnai

5th January, 2023

Kum 2023 kan ṭan dawn chauh tihah K-pop group TWICE chuan tun thla ni 20 hian single thar an tihchhuah tur thu an puang a, chet nat an tum hle.

Nayeon, Jeongyeon, Momo, Sana, Jihyo, Mina, Dahyun, Chaeyoung leh Tzuyu-te awmna chuan twitter-ah an mini album 12-na, "Our Youth" aṭanga an English single hmasa ber an tihchhuah tur thu hi sawiin, album tlangzarh hun tur leh thildang chungchang erawh an puangzar tel lo thung.

New Year, new TWICE!

Kum 2021 October thla khan Twice chuan an English single hmasa ber "The Feels" chu tichhuakin, Billboard Hot 100, Billboard Global Excl. U.S. leh Billboard Global 200 lamahte a che ṭha hle.

JYP Entertainment hnuaia indin, member pakua awmna TWICE hian sap hla hmanga an hlawhtlinna chhunzawm tumin English single an peihfel thawkhat tawh a, he hla hian K-pop fans ngaihven a hlawhchho nghal hle.