EXO an lo kir dawn!

January 1 khan South Korean-Chinese boy band, EXO hotu Suho chuan SNS-ah fans-te kumthar chibai a buk pahin, "EXO chu kum 2023 hian kan lo kir dawn," tiin rimawi khawvelah lo kir an tum thu mipui hriatah a puang. Mi a barakhaihin an fans ṭhenkhat chu lawm avangin an biangah mittui a tla hial.

Kum 2019 khan EXO member, Xiumin chu military service zawm turin a kal a, chumi hnuah EXO member D.O. , Suho, Chen leh Chanyeol te'n military service hi an nei zo leh tawh bawk. February 5 hian sipaia ṭang lai, Baekhyun pawhin a service hi a zo dawn a ni.

EXO lo kir leh tur chanchin hi fans ngaihven lian ber a ni nghal a, kum 2019-a Xiumin-a'n sipai a ṭansan hnuah band angin an inlan ho leh tawh lo. EXO-ah hian member 12 an awm ṭhin a, a hnuah pawl pahnih, EXO-K leh EXO-M-ah an inṭhen hrang leh a ni. Kum 2018 Winter Olympics-ah ropui taka an perform avangin internet khawvel an luah hneh hle a, mipui hriat an hlawh chhoh a lian ber pakhat a ni chho bawk.

EXO lo kir hun tur hi official taka puanzar a la ni lo mah se, chanchin lawmawm bik hian an fans tam tak lawmna a thlen nghal der tawh tih an mahni 'follow' tuten an hre chiang hle ang le.