'Sherlock' Season 5 ziak turin ka inpeih, mahse phut let ka nei : Steven Moffat

BBC series "Sherlock" ziaktu, Steven Moffat chuan Sherlock Season 5 ziak turin a inpeih thu a sawi chhuak a, mahse series tihlutu Benedict Cumberbatch leh Martin Freeman te'n Sherlock Holmes leh Dr. John Watson role an chang dawn tih a hriat ve phawt a ngaih thu a tarlang.

Steven chuan lemchanthiam pahnih an inlan hian show a tihluzual a, a hmuhnawn phah bakah, thawhpui an nawm thu a sawi.

"Doctor Strange in the Multiverse of Madness" star Benedict chuan November, 2021 khan Esquire-in an kawmnaah "Sherlock" season 5 chu thil thleng thei lo tawp a nih loh thu a lo sawi tawh a, "Black Panther: Wakanda Forever" lama inlan Martin pawhin kawngka zau tak a la hawn reng thu tunhnaiah khan a sawi ve bawk.

Season 5-na hi an siam dawn em tih sawi theih a ni lo. Kum 2010-2017 inkar khan "Sherlock" season li chan zawh niin, a vaiin episode 15 pekchhuah a ni tawh.