Season khat lek hnuah Netflix-in '1899' chhunzawmna siam tawh dawn lo

Netflix chuan '1899' series season khatna an pekchhuah hnuah, a chhunzawm erawh an tichhuak tawh dawn lo tih series co-creator Baran bo Odar chuan thuchhuah siamin a sawi.

Netflix series '1899' hi November 17, 2022 khan pekchhuah ṭan niin, kar khat hnu lekah Netflix top 10 chart-ah rawn inhlangkai nghalin, pahnihna dinhmunah a rawn invawrh nghal a, ni li chhung lekin views darkar maktaduai 79.27 a nei hman der a ni.

He series hi ṭhianho ram danga pem tumin thil mak tak tak an hmachhawn dan chanchin tarlanna a ni. A rawn chhuah tirh khan mipui pawhin an hlut hle a, kum 2017 a tihchhuah, Netflix series hit tak, "Dark" chhunzawmna a ni.