Skrillex singles thar 'Rumble' leh 'Way Back'

Online teaser vawi duai lo an tihchhuah hnuah, American DJ leh music producer Skrillex chuan rimawi khawvelah thla eng emaw zat thawm nei loa a awm hnuin, single thar "Rumble" an tichhuak. He hlaah hian British artist-producer ṭhangduang tak Fred Again leh Flowdan-te a thawhpui a ni.

MV thar aṭanga kan hmuh hmasak ber chu music tharin a hrinchhuah Skrillex lan dan thar hi a ni. Skrillex kan hmelhriat ṭanna leh a 'trademark', sam sei kir leh tarmit lian takte chu khabe hmul dak hlarh leh hairstyle thar nen a landan a rawn thlak danglam.

Single an tihchhuah hmain, heng artist pathumte hian an thawkdun dawn tih thawm an rawn nei hauh lo a, mipui tivir tawk lekin min chhaih chhoh hnuah tunah chuan mipui ngaihthlak theihin rimawi thar min chhawpchhuahsak ta a ni.

Chu mai a la ni lo!

Rinlawk loh lutuka 'Rumble' an tihchhuah piah lamah, Ningani khan PinkPantheress leh Trippie Redd-te nena an thawhhona 'Way Back' tih chu an tichhuak leh nghal bawk.

Skrillex, a hming tak Sonny Moore chuan a social media account ṭhenkhatah “QFF/DGTC 23,” tih thu lamtawi hmang ringawt tarlangin, 2023-ah double-album a tichhuak dawn tih thu chiang lo ruaiin a tarlang bawk.

Skrillex hi kum 2019-a EP “Show Tracks” a tihchhuah hnuah mipui hmuhah a inpholang khat hle a, ṭhenkhat chuan a hming pawh kan lo theihnghilh hman tawh hial mai thei, mahse Skrillex chuan rimawi lamah hmanraw ṭha zawk nen hun rei tak chhung a lo intathriam zawk niin a sawi.