Tik Tok star Elena Huelva a thi

Spanish content creator leh Tik Tok star, Elena Huelva chuan hun rei tak cancer natna a beih hnuah kum 20 mi niin Thawhlehni khan a thi.

Huelva chhungte chuan IG kaltlangin an fanu thih thu hi an puang a ni. Tik Tok star lainat a, khawngaihtute chuan uina thuchah hrang hrangte an tarlang.

Elena Huelva hian a boral hma kar lawk khan social media kaltlangin fans-te thlahna thuchah hnuhnung a siam. Huelva hi kum 2016 khan ruh leh, ruh chhehvel tuamtu (soft tissue) 'Ewing Sarcoma' cancer a nei tih hmuhchhuah a ni a, hemi hnuah cancer natna a hmachhawn dante documentary hmangin a pholang ṭhin a ni.

Huelva chuan a natna chungchang te chu mipui bengvarnan, awareness-te a pe ṭhin a ni. "Ka nun hi thil ho mai maiah a thamral dawn lo tih ka hria, a chhan chu he natna hi ka beilet a, ka thlen tum tak ka thleng thei a ni," tiin a thih hmain a sawi.