December 2022 chhungin Mizoramah lirthei 2,458 hralh a ni

India ram puma lirthei zuar inzawm khawm pawl, Federation of Automobile Dealers Associations (FADA) chuan December 2022 chhungin Mizoramah lirthei chi hrang hrang 2,458 hralh chhuah a nih thu an sawi.

FADA-in thuchhuah a siamah, December 2021 khan Mizoramah lirthei 2,325 hralh a ni a, thla liam ta nena khaikhinin 5.72%-in lirthei hralh chhuah hi a pung a ni.

December 2022 chhungin two-wheeler 1,792 hralh chhuah a nih laiin, three-wheeler 48, commercial vehicle 174 leh personal vehicle 444 hralh a ni bawk.

FADA hian mumal takin thla tina lirthei chi hrang hrang hralh chhuah zat an chhinchhiah ṭhin a ni. India ram pumah December 2022 chhungin two-wheeler 11,33,138 nen lirthei 16,22,317 hralh a ni a, a hma kum December 2021 aiin 5.40%-in a tla hniam thung.

FADA hnuaia Mizoram Chapter-ah Dr Franklin Lalrinngheta (Mana Motors) chu chairman a ni a, regional director pali - Zothantluanga (Zothan Autoworks), Joseph Lalchhanhima (CK Hyundai), David R Lalsawmtluanga (Liando Auto Works) leh Dr Madhurjya Sarmah (Aidu Motors)-te an awm.