Wednesday Season 2 A awm dawn chiang e!

American supernatural comedy horror series hit tak, Wednesday chhunzawm chu siam a ni leh dawn tih Netflix chuan thuchhuah siamin a nemnghet.

Episode pariat awmna, Season 1 kha November 23 khan Netflix-ah pekchhuah niin a hlawhtling nghal rem rem hle. Netflix record thar rawn siam nghalin, tlangzarh kar bikah English language series en hlawh ber a ni thei. Hemi hnuah, ni 28 chhung lekin darkar tld 1.2 chuang views nei lehin, Netflix-a English language series en hlawh ber dawttu a ni leh a ni.

Jenna Ortega chuan hnehsawh takin Wednesday Addams lem a rawn chang chhuak a, an official first season chu Nevermore Academy-a zirna a hmachhawn dan chanchinte tarlan a ni. Kum 25 liam taa a nu leh pa tibuaitu thil thleng mak tak takte chhuichhuah tumin, Nevermore nen inzawmna thar an chhar chhuah dante tarlan a ni bawk.

Season khatna a hlawhtlin em avangin a chhunzawmna hi awm leh ngei tura beisei lawk a nih ang ngeiin, Netflix chuan mipuite mit chakna phuhruk tumin thuchhuah hi an rawn siam zui ta a ni. Wednesday Season 1-a a changtu langsar zualte pawh inlan leh vek tura beisei an ni bawk.