Kylie Jenner leh Travis Scott An inṭhen leh em ni?

Kum nga chhung hmangaihna kawng chhuk chho an zawh hnuah, Kylie Jenner leh Travis Scott-te chuan inṭhenzai an rel leh tawh niin khawthlang media-te chuan an tarlang. Kum 2017 aṭanga inzui ṭanin, fa pahnih an nei tawh a ni.

Kylie leh Travis-te hi November 2022 khan Malibu-ah Thanksgiving an hmang dun a, hei hi an inhmuhna hnuhnung ber niin, hunpui vuakvetah pawh a hranpa ve ve in hun an hmang tih an tarlang. Kylie leh Travis-te a hma pawhin han inṭhen leh zawk ṭhin mah se, inṭhen hlen tak tak awm loin an inkawp leh fo.

Nikum October thla khan, hmeichhe pakhat, Rojean Kar chuan Valentine's Day 2022 khan Travis nen hun an hman dun thu leh, a kianga let leh turin thu a lo thehdarh chiam a. He puhna hi Travis chuan Instagram kaltlangin a pha a, an pahnih inkarah thil thleng engmah a awm loh thu sawiin, thawnthu phuahchawp tak takte chu vawrh darh tawh lo turin ngenna a tichhuak zui a ni.