Austin Butler-a'n Golden Globe-ah A bialnu aiin a farnu hruai thlang zawk

Austin Butler chuan 2023 Golden Globes-a a 'date' atan a farnu chu hruai a tum thu a sawi. Kum 21 mi, Kaia Gerber nen kum 2021 aṭang khan inzui tawh mah se, "Elvis" actor chuan a kianga kal turin a farnu, Ashley Butler chu January 10-a neih tur ceremony-ah hian hruai a thlang ta zawk a ni.

Austin hi Drama category-ah Best actor dawng thei tura chhawpchhuah, nominate a ni a, "Ka farnu neihchhun a ni a, ka kianga lo kal atan ka duh a ni," tiin a farnu Ashley a thlan chhan a sawi.

Austin leh a ngaihzawng, Kaia-te hi nikum May thlaa Met Gala-ah khan an lo inzui tawh a, Mexico lamah a chhungte nen hunpui chawlh an hmang ho bawk a ni.

Elvis lem hnehsawh taka a chan theih chhan an zawhnaah, Austin chuan chawl loin Elvis-a hla pakua a ngaihthlak ṭhin thu a sawi.