Khiangte Construction Gospel Lengzem: Ṭhazual Gospel chart roreltu Pensy & Andrew

Kum 2023 Ṭhazual Gospel Chart hmasa berah kum liam taa chart lama hmasawn chak tak leh, artist langsar pahnih, Pensy leh Andrew-te thawhdunna "Krista ka nei" chu pakhatnaah a rawn inhlangkai ta.

He hla hi mihringin kan ṭhatlai leh vanglaia Pathian belh tlat a pawimawh zia tarlanna lam hla a ni a, he hla thu ṭha tak hi Pensy leh Andrew-te phuah niin, tune pawh hi Andrew a siam a ni. Music hi Bz Sailo kutchhuak niin, Recording hi Bluewave Records-ah neih a ni.

Mahruaii leh Lalrempuii hming a rawn lang
Mahruaii Chhakchhuak hla "Zalenna Dar" chuan san lam rawn pan zelin pahnihnaah a rawn invawrh chho a, Lalrempuii Hnamte pawhin hma rawn sawn zelin a hla "Hmangaihna vangin" chu top 3-ah a rawn inhlankaipui bawk a ni.

Chart-a hla lang dangte
Lal K Sailo "Kulh bing sang" chu palinaah awmin, R. Lalrinmawii (Arini) "I tello run dai" chu pangana a ni. Dinai C. Lalruatdiki, C. Zothanmawii, R. Lalbiaksanga, KNP, Rawpui Unit leh Mama Khiangte-te chu chart a hla lang dangte an ni.