Eminem-an Qatar World Cup-ah USD mtd 8 hlawh theihna a hnar : 50 Cent

Rapper piang tawh zinga hlawhtling ber pawl, Eminem chu USD maktaduai chuang hnawl turin a hausa tawk tih a rawn lantir. "Rap God" hitmaker hian 2022 Qatar World Cup-ah khan USD mtd 8 hlawha perform tura an sawmna chu a hnawl mauh mai niin 50 Cent chuan a sawi.

50 Cent chuan, "Super Bowl performance vang khan World Cup-a inlan turin min sawm a, USD mtd 9 vel hlawh turin min sawm. USD mtd 1 kha lak mai ka hreh lo a, a bak zawng USD mtd 8 chu Eminem-a chan tur a ni thung a ni," tiin Eminem chuan khawvela sporting event lian berah inlan chakna a neih loh thu sawiin an sawmna chu a hnawl thu a sawichhuak.

8 mile TV show leh album thar
50 Cent chuan Eminem leh Dr Dre-te nen album thar an buaipui mek thu a tarlang. Fiddy chuan rimawi ṭha thei ang ber siam tur chuan artist ṭha ber ber thawhpui a ṭul thu a sawi a, heng rapper pahnihte hi a dah sang hle.

50 Cent chuan Eminem nen semi-autobiographical film, '8 Mile' behchhanin, TV Show an buaipui thu pawh a sawi. Detroit emcee zinkawng hi a ropui thei ang bera hailansak a, chawimawi let a duh thute a sawi.