Stranger Things Season 5 chang turin inremna an ziak

Netflix series enhlawh ber zinga mi, Stranger Things chhunzawmna siam turin a changtute chuan inremna an ziak niin Hollywood report chuan a tarlang.

Contract thar an ziah rual hian an sum lakluh zat tur pawh tarlan a ni. David Harbour leh Winona Ryder te chuan Season 5 atangin USD mtd 9.5 vel an lalut dawn a.

Finn Wolfhard, Noah Schnapp, Caleb McLaughlin, Gaten Matarazzo leh Sadie Sink te'n USD mtd 7 chuang an hlawh dawn bakah, Joe Keery, Natalia Dyer, Charlie Heaton leh Maya Hawke ten USD mtd 6 vel an hlawh dawn a ni.

Series-a a changtunu, Millie Bobby Brown-in season 5-a a hlawh zat tur erawh puanzar a ni lo a, he film hmatheh ber a nih avangin midang zawng aia hlawh hnem tura rin leh beisei a ni.

"Stranger Things" hi Netflix lamah mi lawm leh en a hlawh hle a, Season 4 kha entu tam lamah pahnihna niin, "Squid Game" chiah a phak lo.