Billboard Hot 100 chung berah 'Anti Hero' inlar leh ta; Top 10-ah The Weeknd & Beyonce

Billboard chart leh streaming platform hrang hrangahte record a siam hnuah, a thawm han dai zui deuh mah se, Taylor Swift “Anti-Hero” bawk Billboard Hot 100-roreltu a rawn ni leh ta a, pariatna aṭangin pakhatna dinhmunah a rawn inhlangkai a ni. Hei vang hian Hot 100 songs chart-ah kar sarih chhung pakhatna a ni thei a, kum 2014-a tihchhuah "Blank Space" record chu a nih rual ta bawk.

David Guetta leh Bebe Rexha “I’m Good (Blue)” chu 19-na aṭangin palinaah a rawn invawrh a, The Weeknd “Die for You” (8) leh Beyoncé “Cuff It” (10)-te chu top 10-ah an rawn chuangkai. The Weeknd hian a rimawi zinkawng la thui lo takah top 10 hla 16 a nei der tawh a, Beyonce "Queen Bey" chuan hla 21 tehmeuh a nei tawh a ni.

Hot 100-ah hian genre chi kim, U.S. streaming (official audio leh official video), radio airplay leh sales data aṭanga hla che ṭhate an thlangchhuak ṭhin.

Republic Records hnuaia tlangzarh, "Anti Hero" hian radio airplay audience impression mtd 83.8 a hmuchhuak tawh a, stream mtd 17.2 leh, hla copy 6,000 chuang a hralhchhuah belh niin Luminate chuan a tarlang.