MONSTA X-in MV thar leh Mini Album tichhuak

Reality survival program, No.Mercy aṭanga rawn lar chho, South Korea boy group MONSTA X chuan music video “Beautiful Liar” an tihchhuah rualin, an mini album 12-na 'REASON' chu Thawhṭanni khan an tlangzarh nghal niin an pawl enkawltu, Starship Entertainment chuan a tarlang.

Band member, Joohoney chuan an project tharah hian an member ten music genre hrang hrang an thawhkhawm avangin a fun kim hle tura a ngaih thu a sawi.

November thlaa Billboard-in Kihyun-an kawmnaah, a debut solo EP 'Youth' a buaipui dan chanchin bakah, a bandmate-te nena an thawhhona ṭhatzia te, kum sarih lai ṭha taka an thawhho theih avanga a lawmzia a sawi a ni. Hetih lai hian, an leader Shownu erawh July, 2021 aṭang khan, South Korea ram danin a phut angin mandatory military service neiin hun a la hmang thung a ni.