Ant-Man and The Wasp: Quantumania trailer thar a chhuak ta!

Marvel Studios kutchhuak, 'Ant-Man and The Wasp: Quantumania' chu nimin khan a trailer thar ber an tichhuak a, sci-fi adventure hi February 17-ah tlangzarh a ni ang.

Marvel Cinematic Universe phase 5 khuh-hawnnaah hian MCU lama misual tawrawt tak, Kang the Conqueror hmel pawh kan hmu dawn a, Scott Lang (Paul Rudd) leh Hope van Dyne (Evangeline Lilly)-ten Ant-Man leh The Wasp role pawimawh an chang leh ang. Hei bakah, Janet van Dyne (Michelle Pfeiffer), Hank Pym (Michael Douglas) leh, Scott-a fanu Cassie Lang (Kathryn Newton) te chhungkuain Quantum Realm-a rannung mak tak tak an hmachhawn dan leh, an theihna chin piah lam thlenga hun an tawn dante chu trailer-ah hian tarlan niin, a hmuhnawm leh dawn tih a chiang reng mai.